Այդ իսկ պատճառով է, թերևս, որ ժամանակի ընթացքում ականջօղերը սկսել են պատրաստել ամենատարբեր նյութերից` թանկարժեք մետաղներից ու քարերից սկսած մինչև փայտն ու կավը:
Ոչ ոք չի վիճի, որ ճիշտ ընտրված ականջօղերը ոչ միայն ընդգծում են էլեգանտությունն ու բնական գեղեցկությունը, այլև խոսում են այն կրողի ճաշակի, նախասիրությունների, գրաված դիրքի ու պաշտոնի մասին: Անվիճելի է նաև այն, որ ականջօղերն ասելիք ունեն:
Չնայած նրան, որ ականջօղերը մեր կենցաղի անբաժան մասն են դարձել, քչերս գիտենք դրանց ծագման ու կիրառման պատմությունը: Փորձենք մի փոքր էքսկուրս կատարել ժամանակի մեջ և համառոտ պատմել այս փոքրիկ հրաշքների` ականջօղերի մասին:
* * *
Սկզբնական շրջանում օղերը համարվել են ոչ թե կանանց, այլ տղամարդկանց զարդեր: Ականջօղեր պատրաստել և կրել են դեռևս 7 հազար տարի առաջ Հին Ասիայում: Հին եգիպտացիների և հին ասիացիների համար ականջօղերը համարվել են բարձր աշխարհի պատկանելիության խորհրդանիշ: Ի հակառակ դրան` Հին Հռոմում ականջօղեր կրել են ստրուկները, իսկ Հին Հունաստանում` հանցագործները:
Հին Արևելքի երկրներում մարդիկ նախընտրել են ոսկուց և արաթից պատրաստված օղեր կրել, որոնք էլ զարդարված են եղել զմրուխտով, ռուբինով ու սաֆիռով: Նշենք նաև, որ ականջօղերը մեծ հռչակ են վայելել նաև Հնդկաստանում և Չինաստանում:
Հին Ադրկովկասում ևս լայնորեն կիրառվել են ականջօղերը: Այստեղ օղեր կախել են նորածին աղջիկների ականջներին` ի նշան երջանկության, և այն հավատալիքով, որ դրանք թալիսմանի նման կպահպանեն երեխային:
Չնայած դրան, ականջօղեր կրելը միշտ էլ որևէ խորհուրդ պարունակել է: Հանցագործներն, օրինակ, ականջօղ կրելով արտահայտել են իրենց ունեցած ատելությունը հասարակության նկատմամբ և ցույց են տվել իրենց պատկանելիությունը հանցագործ աշխարհին: Գնչուներն օղ կախել են այն տղայի ականջին, ով միակ արու զավակն է համարվել ընտանիքում: Ծովահնների ականջօղերն էլ խորհրդանշել են գերված նավերի թիվը:
Hetaqrqir er :))
ReplyDeleteՇնորհակալ ենք :)) Ականջօղերի մասին դեռ էլի ենք հետաքրքիր բաներ պատմելու :))
ReplyDelete